14.000 vóru til konsert við Eyðun og Terja

Tað eru eftir øllum at døma nógv, sum í dag hava notið gott at konsertunum, sum tónleikarar hava skipað fyri í dag.

Síðani klokkan 11 hava konsertir verið at kalla hvønn tíma, og tann síðsta byrjaði nú klokkan 23.

Klokkan 21 vóru Eyðun og Terji á vitjan hjá Kim Hansen í SMS, sum hevur skipað fyri koronakonsertum seinastu dagarnar. Og nógv fylgdu við, heili 14.200 hugdu eftir konsertini, frætta vit frá SMS.

Síðsta leygarkvøld, tá Jens Marni Hansen var á vitjan hjá Kim Hansen í SMS, hugdu næstan 10.000 fólk, so nógva uppmerksemið um allar konsertirnar í dag, hevur helst gjørt sítt til, at uppaftur fleiri hugdu.

Konsertin kann hoyrast umaftur her