20 deyð og 81 særd í bumbuálopi á Filipsoyggjunum

Í minsta lagi 20 fólk hava latið lív, og 81 eru særd eftir at tvær bumbur brustu uttanfyri eina rómverskkatólska dómkirkju í Filipsoyggjunum.

Hesum boðar tíðindastovan AP frá, sambært DR.

Fyrst brast tann fyrsta bumban, og tá løgreglu- og trygdarfólk skundaðu sær til staðið, brast tann næsta bumban. Í minsta lagi fimm trygdarfólk lótu lív.

Fyrst varð boðað frá, at deyðstalið var 27, men løgreglan hevur síðani sett talið niður til 20.

Enn hevur eingin tikið ábyrgdina fyri álopið.