25 mió. kr. settar av til at kunna tey ungu um ríkisfelagsskapin

Danska forsætismálaráðið hevur sett 25 mió. kr. av næstu fýra árini til at kunna ungdóminum um ríkisfelagsskapin. Ynski er at at styrkja um kunnleikan hjá teimum ungu um hini londini í ríkisfelagsskapinum.

Á ríkisfundinum, sum var í Føroyum í summar varð samtykt, at tey ungu í Føroyum skulu vita meiri um Danmark og Grønland, og tey ungu í hesum londum skulu eisini vita meiri um hini londini í ríkisfelagsskapinum. Tí vórðu 25 mió. kr. settar av til endamálið.

Semja er nú gjørd í fólkatinginum um pengarnar, skrivar Kringvarpið. Teir koma á donsku fíggjarlógina fyri 2019.

Pengarnir skulu eitt nú nýtast til námsferðir, stuðul til ung, sum fara á háskúla, útbúgving og annað.