27 prosent avgreiða sítt egna keyp

Miklagarður var herfyri undir umbygging, og tá handilin lat uppaftur var sjálvavgreiðsla tøk hjá viðskiftafólkunum.

Hetta hevur verið brúkt í Danmark í fleiri ár, men Miklagarður er fyrsti handil í Føroyum við hesari skipanini.

(Mynd: Jens Kr. Vang)

Og tað er væl umtókt, at avgreiða sítt egna keyp. Johan Ziskason, KT-leiðari, sigur við Kringvarpið, at heili 27 prosent velja at brúka sjálvavgreiðsluna og sleppa undan persónligari tænastu frá kassafólkunum.

- Sjálvavgreiðslan er gearað til fólk, sum ikki hava tað stóra keypið, og tað síggja vir eisini, at tey flestu sum koma yvir hava kurv, sigur Johan Ziskason.

Hoyr samrøðuna her