Í Føroyum vóru 27.227 løntakarar í januar

Í januar vóru 27.227 løntakarar í Føroyum. Nýggjastu tølini hjá Hagstovu Føroya vísa, at trendurin bara veksur.

Síðani mitt í 2013 hevur gongdin bara gingið ein veg, og hon hevur tikið dik á seg seinastu árini.

Av teimum 27.277 løntakarunum eru 14.151 mannfólk og 13.076 konufólk. Munurin millum kynini er ikki broyttur nógv seinasta árið.

Tað er enn í tí almenna at flest løntakarar eru. 9619 løntakarar eru í tí almenna o.a. tænastu. Næst størsta høvuðsvinnugreinin er privatu tænastuvinnurnar, har 8968 løntakarar eru.

Munurin millum fiskivinnuni o.a. tilfeingisvinnu og byggivinnuni o.a. tilvirkan er lítil. Í fiskivinnuni eru 4442 løntakarar, meðan 4218 løntakarar eru í byggivinnuni.