Síðani metið í mánadagin við 1125 nýggjum tilburðum, er talið fyri týsdagin nakað lægri. 710 tilburðir vórðu staðfestir í 1877 kanningum.
At tað vóru færri kanningar gjørdar, skal síggjast í ljósinum av, at dagurin í gjár var fyrsti dagurin við nýggju mannagongdunum í sambandi við koronukanningar. Fyri, at bíleggja tíð til kanning nú, er krav at lúka nakrar treytir. Hetta er fyri at forða at fólk ikki kanna seg óneyðugt við dýru PCR-kanningunum, men heldur brúka skundkanning við hús.
Nógvir tilburðir eru staðfestir seinastu tíðina, og tað merkir eisini at nógv gerast frísk aftur. Í gjár vóru 857 fólk, sum fyri nøkrum døgum síðani vóru staðfest positiv, men sum nú eru frísk aftur.
Í løtuni eru 4822 positiv við koronu í Føroyum. Tað er 149 færri enn í gjár.
Á Sjúkrashúsverkinum er støðan góð. Eingin er innlagdur av koronu, men fýra sjúklingar hava fingið staðfest koronu, men eru innlagdir av aðrari orsøk.
Vinarliga broyt tínar kennifíla - og privatlívsstillingar fyri at síggja hetta innihald