Allir danir fáa tilboð um koronatest

Allir vaksnir borgarar í Danmark fáa nú møguleika til at bíleggja eina tíð fyri at vera kannað fyri koronavirus.

Tað skrivar danska heilsumálaráðið í tíðindaskrivi í dag.

Í morgun varð sostatt latið upp til at teir fyrstu 600.000 borgararnir kundu bíleggja eina kanning. Í fyrstu atløgu er talan um borgarar millum 18 og 25 ár.

Komandi dagarnar verður møguleikin eisini latin upp fyri hinar árgangirnar.

Í fyrstu atløgu verður tað so, at hvør borgari kann bíleggja eina test innan komandi 180 dagarnar, tá tey halda, at brúk er fyri tí, skrivar heilsumálaráðið.