Anni Haraldsen sýnir fram í Ribarhúsi

Mánadagin letur forvitnislig framsýning upp í Ribarhúsi í Fuglafirði. Her fer fuglfirðingurin Anni Haraldsen, sum er búsitandi í Danmark, at sýna fram áseymaðar myndir við føroyskum myndevnum.

Í sambandi við ferniseringina mánakvøldið kl. 19 verður tónleikaframførsla við Johannes og Andreas Samuelsen.

Framsýningin verður opin hvønn dag fram til mikudagin eftir páskir.