Arbeiðsloyvi hjá útlendskari arbeiðsmegi ikki í lagi á tveimum arbeiðsplássum

Arbeis- og brunaeftirlitið og Politið í Føroyum boðaði í dag frá, at  10. og 11.  desember varð eitt eftirlitsátak framt, í samstarv við TAKS. Tað snúði seg um at kanna viðurskiftini við útlendskari arbeiðsmegi á ymiskum arbeiðsplássum. Hesir mynduleikar gjørdu í saeptember eina avtalu um at kanna føroyska arbeiðsmarknaðinum saman, har dentur verður lagdur á at hava eftirlit við, um arbeiðsgevarar halda reglurnar um m.a. arbeiðsloyvi, skatt, meirvirðisgjald og arbeiðsumhvørvi. Eftirlitið í seinastu viku var tað fyrsta av sínum slag.

Staðfestast kann, at fleiri arbeiðspláss ikki hava síni viðurskifti í lagi. Serliga er tað álvarsamt, at tvey av teimum fýra arbeiðsplássunum, ið kannaðu vórðu, ikki høvdu arbeiðsloyvi í lagi hjá sínari útlendsku arbeiðsmegi. Hetta hevur við sær, at viðkomandi starvsfólk hava fingið forboð fyri at arbeiða, til loyvini eru fingin uppá pláss.  

Á øllum fýra arbeiðsplássum – tvey eru í byggivinnuni og tvey í matstovu- og gistingarhúsvinnuni - vóru trupulleikar við arbeiðsumhvørvinum. Frágreiðingin nýtir orðingina "manglar". Arbeiðsgevararnir fingu freist til at fáa hesi viðurskiftini í rættlag.

Samstarvandi mynduleikarnir boða frá, at nú verður átakið eftirmett.