Avstralia: 50 ára gomul kvinna handtikin fyri at koyra nálir í ber

Ein 50 ára gomul kvinna í Avstralia er handtikin fyri at koyra nálir í jarðber. Tað skrivar DR.

Kvinnan er skuldsett, eftir at fleiri matvøruhandlar hava verið noyddir at taka frukt av hillunum, tí at seyminálir eru funnar m.a. í jarðberunum.

Tað er orsakað av hesum málinum, at avstralska parlamentið hevur hert revsingina fyri at dálka matvørur, so at dómurin nú kann verða upp til 10-15 ár í fongsli.

Í september komu fleiri enn 100 fráboðanir um nálir í jarðberum, og ein fráboðan kom úr Ný Sælandi.

Eftir ætlan skal kvinnan fyri rættinum mánadagin.