Bara Høgni Hoydal sum viðmerkir málið

Tað er ongin annar enn Høgni, sum úttalar seg um málið um Páll á Reynatúgvu og Annitu á Fríðriksmørk. Tað siga bæði Sirið Stenberg og Annita á Fríðriksmørk. 

Men enn hevur ikki eydnast nøkrum fjølmiðli at fáa fatur á floksformanninum hjá Tjóðveldi. 

Portalurin hevur, eins og Kringvarpið, roynt at fingið fatur í Høgni Hoydal í dag og í gjár. Men hann hevur ikki vent aftur uppá umbønir frá fjølmiðlunum enn. 

Páll á Reynatúgvu skrivaði eisini á Facebook í morgun, at hann ikki verður við í viðgerðini av málinum. Tað var millum annað tí, at hann metti at málið skuldi viðgerast í floksleiðsluni.