Barnadansurin byrjar nú aftur

Nú er dansitíðin byrjað aftur, og eitt av afturvendandi tiltøkunum líka síðani Norðurlandahúsið lat upp í 1983, er barnadansurin í Norðurlandahúsinum.

Aftur í ár skipar Dansifelagið í Havn fyri barnadansi í Norðurlandahúsinum fríggjakvøld í dansitíðini, har børn og ung dansa saman við vaksnum.

Næstu ferð dansað verður er fríggjakvøldið 12. oktober. Í heystfrítíðini er eingin dansur, men síðani verður dansað hvørt fríggjakvøld frá 26. oktober fram til 7. desember – og aftur frá 4. januar til 22. februar 2019.

Harumframt dansar Dansifelagið í Havn vanliga í Hornahúsunum fríggjakvøld í dansitíðini. Byrjað verður við ársaðalfundi fríggjakvøldið 26. oktober.