Boða frá fleiri ukrainskum dronuálopum í nátt

Russiska loftverjan hevur í gjárkvøldið og í nátt skotið niður tilsamans 162 ukrainskar dronur í m.a. Kursk og Voronezj-landslutunum.

Í Kursk, har 57 dronur vórðu skotnar niður, kyknaði eldur í fleiri íbúðarbygningum, tá teir vóru raktir av vrakpettum frá ukrainskum dronum. Í Vorenezj varð eisini boðað frá skaða á m.a. fleiri bygningar, og men tað eru ongar fráboðanir um fólkaskaða, skrivar Reuters.

Í gjár varð eisini boðað frá einum umfatandi ukrainskum dronuálopi í Sibiria, har dronurnar raktu yvir 40 russisk hernaðarflogfør, sum høvdu eitt virði á tilsamans sjey milliardir dollarar, ella umleið 46 milliardir krónur.

Í dag skulu umboð fyri Russland og Ukraina eftir ætlan hittast til nýggjar samráðingar í turkiska býnum Istanbul.