Uttanlands

Britta Nielsen komin til Danmarkar

Undir illgruna fyri at hava snýtt danska statin fyri 111 milliónir. Grundlógaravhoyr verður í morgin fyrrapart.

Britta Nielsen (Mynd: DR)

Britta Nielsen (Mynd: DR)

2018-11-09 17:47 Author image
Sverri Egholm
placeholder

Britta Nielsen, sum er undir illgruna fyri at hava snýtt danska statin fyri 111 milliónir varð í gjár handað donskum myndugleikum eftir at hava verið eftirlýst hjá Interpol.

Hon varð funnin í einari íbúð í Suðurafrika mánadagin, og ein ein dómstólur í Johannesburg avgjørdi í gjár, at lata hana til danskar myndugleikar.

Á middegi lendi 64 ára gamla kvinnan í Danmark, og bakmansløgreglan upplýsir, at grundlógaravhoyr verður í rættinum í Frederiksberg klokkan 10 í morgin. Tá skal ein dómari avgera um hon skal varðhaldsfongslast.

Ein maður, sum eisini er undir illgruna fyri at hava verið við til brotsverki, varð funnin í Suðurafrika fyri einari viku síðani, og hann verður eisini førdur fyri rættin í morgin.

[object Object](Grafikkur: B.T)

Britta Nielsen er undir illgruna fyri at hava flutt pengar úr Barna- og almannamálaráðnum á sínar egnu kontur. Í minsta lagi 111 milliónir frá 2002 til 2018.

placeholder
placeholder