Ari av Rana
Heimskenda tíðindastovan CNN hevur stevnt amerikanska forsetan Donald Trump. CNN stevnir Donald Trump fyri at “burturvísa og gera seg inn á” Jim Acosta, sum er korrespondenturin hjá tíðindastovuni í Hvítu Húsunum.
Tað var í farnu viku, at Donald Trump og Jim Acosta fóru at skeldast undir einum tíðindafundi í Hvítu Húsunum, har journalisturin spurdi Donald Trump um stóra bólkin av miðamerikanum, sum í løtuni eru á veg til USA. Donald Trump noktaði fyri at svara spurningunum hjá Acosta.
Eftir hendingina varð Acosta burturvístur úr Hvítu Húsunum, m.a. tí at hann skuldi havt handfarið ein praktikant í Hvítu Húsunum illa. Síðani hava fleiri víst á, at sjónbandið, sum Hvítu Húsini hava latið, sum skuldi prógva hesum pástandi, eftir øllum at døma er falska.
Vinarliga broyt tínar kennifíla - og privatlívsstillingar fyri at síggja hetta innihald