Uttanlands

Danmark: Lægsta talið á nýggjum tilburðum í tveir mánaðir

Seinasta samdøgrið hava 41 danir fingið staðfest COVID-19 – Hetta er lægsta talið síðan 16. mars

2020-05-18 11:50 Author image
Alda Nielsdóttir
placeholder

Seinasta samdøgrið eru 41 fólk staðfest smittað við COVID-19 í Danmark. Hetta er lægsta talið síðan 16. mars, vísir uppgerð frá Statens Serum Institut.

Sostatt er talið á staðfestum tilburðum í Danmark nú komið upp á 10.968. Sambært Ritzau, er veruliga talið helst hægri, av tí at tað ikki eru øll, sum fáa sjúkueyðkenni og lata seg kanna.

394.394 kanningar eru nú gjørdar í Danmark – 5.691 fleiri enn í gjár. Kanningar, sum vístu eitt ógreitt úrslit, og kanningar, har úrslitið enn ikki er greitt, eru tó ikki taldar við.

Talið á kanningum er økt munandi seinastu tíðina, eftir at myndugleikarnir eru farnir í holt við at kanna fleiri fólk.

Les eisini: Allir danir fáa tilboð um koronatest

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder