Eingin tilmelding ella dagsgjald í komandi viku á Strondum

Dagstovarnir kring landið fara nú at koyra við meira ella minni fullari ferð.

Síðani latið varð upp aftur stutt áðrenn páskir hevur verið neyðugt við tilmelding á nógvum stovnum - at skriva børnni upp til ansing fyri komandi vikuna, so at tørvurin verður greiður - men frá mánadegnum 18. mai verður hetta ikki neyðugt.

Soleiðis verður eisini á Lítlafløtti á Strondum. Har hevur dagsgjald verið nýtt seinastu vikurnar, eins og í til dømis í Klaksvíkar og Nes kommunu. Tað vil siga, at tey sum meldaðu til skuldu rinda eitt dagsgjald fyri sítt barn, meðan tey ikki høvdu sítt barn á stovni einki rindaðu. Dagsgjaldið, sum varð ásett til tilmeldingina, verður nú eisini tikið av, og goldið verður sum vanligt fyri barnaansing á Lítlafløtti, skrivar Sjóvar kommuna. 

- Vit fara tó framhaldandi at halda okkum til tilráðingarnar frá mynduleikunum um, at foreldur ikki skulu koma inn á stovnin, men koma við og eftir barninum við hurðina til stovuna, sum barnið hoyrir til. Skipanin á stovunum verður, framhaldani eisini so, at hesar hava so lítið samband við aðrar stovur sum gjørligt og at starvsfólk í minst møguligan mun skifta millum stovur.

Hevur barnið sjúkueyðkenni, eisini mild sjúkueyðkenni, skal tað ikki koma á stovnin, skrivar Sjóvar kommuna á heimasíðu sínari