Eldur í fiskakøkinum

Boðað var frá eldsbruna í matstovuni Barbaru í Gongini í Havn seinnapartin.

Men áðrenn sløkkiliðsbilurin náddi vegin fram, varð alarmurin tó avblástur aftur.

- Tað var ein øgiligur roykur, men tíbetur ongin eldur, sigur Heini Østerø, sløkkiliðsleiðari í Havn.

Hann greiðir frá at onkur av starvsfólkunum helst hevur gloymt okkurt á konfýrinum. Hetta gav nógvan royk, og elektronisku brandalarmarnir fóru ígongd.