Eldur í bili inni á Sundi

Beint eftir klokkan trý seinnapartin fekk løgreglan boð um, at eldur var í einum bili inni á Sundi.

Boð vórðu send eftir sløkkiliðnum, og eldurin varð sløktur.

Vakthavandi á politistøðini í Havn sigur, at bilurin varð rættiliga brendur, men at maðurin, sum sat í bilinum hevur tað gott.

Enn ber ikki til at siga, hví eldur kom í bilin, men bilurin verður nú kannaður nærri.