Elmar savnaði meira enn hálva millión inn til Autismufelagið

546.618,16 krónur.

So nógv savnaði Elmar Ósá, sum 12. juni og 13. juni gjøgnumførdi ein tvífaldan ironman. Ein heili 452 kilometrar langur túrur.

Tað tók honum umleið 36 tímar at gjøgnumføra teir 7,6 kilometrarnar í svimjihylinum, 360 kilometrarnar á hjólhesti og 84 kilometrar rennandi og til gongu.

Túrurin varð gjøgnumførdur fyri at savna pengar inn til Autismufelagið, og tað má sigast at hava eydnast væl.

Les eisini: Forkvinnan í Autismufelagnum: Stuðulin er sera kærkomin fyri okkara felag

Sí eisini: Myndarøð tá Elmar Ósá kom á mál á Tórsbreyt