Ari av Rana
Amerikanski íverksetarin og stovnarin av Tesla, Elon Musk, er farin frá sum formaður í Tesla. Orsøkin er at hann í august villleiddi pengaíleggjarar við einari dagføring á Twitter, har hann skrivaði, at hann umhugsaði at taka felagið av keypsskálanum.
Umframt at hann fer frá sum formaður, skal hann eisini gjalda 20 milliónir dollarar í bót.
Elon Musk hevur tó gjørt avtalu við fíggjareftirlitið í USA um at hann sleppur at halda fram sum høvuðsstjóri í felagnum.
Umframt tær 20 milliónir dollararnar, sum Elon Musk skal gjalda í bót, skal felagið Tesla eisini gjalda 20 milliónir í bót.
Fíggjareftirlitið saksøkti Elon Musk hósdagin fyri svik eftir at hann hevði skriva eina dagføring á Twitter tann 7. august, skrivar TV2.
- Umhusgi at taka Tesla av keypsskálanum fyri 420 dollarar pr. virðisbræv. Fíggingin er tryggjað, skrivar Elon Musk.
22 milliónir fólk fylgja Elon Musk á Twitter, og hansara dagføring fór runt allan heim.
Amerikanska fíggjareftirlitið metti tó, at hetta var tann reini heilaspuni, og valdi tí at saksøkja Elon Musk.
Vinarliga broyt tínar kennifíla - og privatlívsstillingar fyri at síggja hetta innihald