Enn bíðar dokkhøllin á Skála

Stóra dokkhøllin, sum Mest ætlar at byggja á Skála dregur út.

- Ein neyðug íløga, men hon kemur ikki rættiliga enn, sigur Mouritz Mohr, stjóri í Mest við R7 í dag.

Loyvini eru ikki endaliga komin upp á pláss enn, men arbeitt verður við málinum, sigur Mouritz Mohr við R7.

Í løtuni dugir hann ikki at siga nær høllin verður bygd.

Nýggja dokkhøllin verður eftir ætlan 40 metrar høg og 128 metrar long, og fer sjálvsagt at síggjast aftur í bygdini.