Erla Kongsdóttir í sigling mánadagin

Nýggjasta skipið hjá Strandferðsluni, Erla Kongsdóttir, sum kom til landið fyri nøkrum vikum síðani, fer loksins í sigling.

Strandferðslan boðar fyrrapartin frá, at Erla Kongsdóttir røkir siglingina á Nólsoyarleiðini frá mánadegnum klokkan 18.

Til rampurnar eru klárar við bryggjuna í Nólsoy og á Bursatanga í Tórshavn, leggur skipið at við skipssíðuni.

M/F Hasfjord fer framhaldandi at gera farmatúrar á leiðini.

Samstundis boðar Strandferðslan frá, at Jósup røkir leiðina millum Hvannasund og Fugloy/Svínoy frá týsmorgun 8. desember. Hetta er í sambandi við, at Ritan fer á beding.