placeholder
Uttanlands

Facebook byggir stóra dátumiðstøð í Esbjerg

Dátumiðstøðin verður 250.000 fermetrar stór

Mynd: EPA

Mynd: EPA

2018-10-05 11:55 Author image
Ari av Rana
placeholder

Stóri sosiali miðilin Facebook fer nú at byggja eina stóra dátumiðstøð í Esbjerg í Danmark.

Tað er felagið Notita Network ApS, sum skal byggja dátumiðstøðina, men sambært DR er tað Facebook sum bæði hevur stovna og eigur felagið.

Mánadagin fer býráðið í Esbjerg at viðgerða sakina.

Varaborgarstjórin í Esbjerg, Susanne Dyreborg váttar fyri DR, at Facebook stendur aftanfyri dátumiðstøðina. Hon heldur tað verða fantastiskt, at Facebook ætlar at gera íløgu í teirra í øki.

Støddin á 250.000 fermetrar svara til áleið 40 fótbóltsvøllir.

Fleiri dátumiðstøðir verða í løtuni bygdar í Danmark. Google og Apple byggja hvør sína í Suðurjútlandi, Facebook byggir í Odense, Apple í Viborg og Google hevur keypt eitt stórt grundøki í Fredericia.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder