Fekk ølglas knúst í gronina

Eitt harðskapsmál var á einum skeinkistaði í Tórshavn í gjárkvøldið. Ein gestur á skeinkistaðnum fekk eitt ølglas knúst í gronina á sær.

Tann órættaði meldaði málið, og løgreglan hevur brúkt tað sum er av degnum í dag uppá at viðgera málið.

- Maðurin varð handtikin í morgun. Nú er hann avhoyrdur og er skuldsettur fyri grovan harðskap, sigur vaktleiðarin á løgreglustøðini.

Tann órættaði fekk ongan álvarsaman skaða, men fekk nakrar snuddir. Hann hevur tað eftir umstøðunum gott.