Ferðsluóhappið sunnukvøldið: Málið fer í rættin

Nógvur útrykningur var at hoyra í Tórshavn sunnukvøldið. Orsøkin var, at ein frontalur samanstoytur var hendur á Kaldbaksvegnum við Sandvíkarhjalla.

Samanstoyturin var so harður, at neyðugt varð at klippa tann eina bilin upp, fyri at sleppa framat fólkunum. Trý fólk vórðu flutt á landssjúkrahúsið.

- Vit hava í morgun boðað løgregluleiðsluni frá, at eftir at hava tosað við partarnar er avgjørt, at málið fer í rættin, sigur vaktleiðarin á løgreglustøðini.

Av tí at málið nú verður eitt rættarmál, kann løgreglan ikki úttala seg meir um málið.