Fíggjarlógin skal viðgerast hósdagin og fríggjadagin

Týsdagurin gjørdist langur í tinginum. Nógv mál vóru á skránni, og fyrsta viðgerð av fosturtøkumálinum, sum var tað seinasta á skránni, vardi til stutt fyri klokkan 20.

Hetta málið er nú beint í Rættarnevndina og kemur fyri aftur um ein mánaða ella so - helst inni í november.

Sí eisini: Uppskotstillarar: Sjálvsavgerðarætturin skal vera hjá kvinnuni

Fíggjarlógin fyri 2026 varð løgd fram fyrrapartin í gjár, og í morgin skal hon í tingið.

Ein tingfundur er eisini settur á skrá fríggjadagin, har bert "framhaldandi 1. viðgerð av fíggjarlógini" og "framløga" eru á skránni.

Harvið kann roknast við, at tinglimir fara at brúka nógvar tímar til fyrstu viðgerðini. Tað eru helst nógv, sum hava nógv uppá hjarta.

Sí eisini: 173 milliónir í halli