Fimm nýggir koronutilburðir í gjár

Í 124 kanningum vóru í gjár fimm positivir koronutilburðir, vísa tølini frá myndugleikunum.

Smittukeldan er kend í trimum førum, í einum føri er smittukeldan ikki kend og ein persónur fekk staðfest smittuna við kanning á fjórða degi eftir komu til Føroyar.

Í løtuni eru 30 fólk smittað í Føroyum.

Gevið gætur: Á forsíðuni á Portalinum er feilur í sjálvvirkandi innlesingini av koronutølunum. Tað stendur at 1029 fólk eru positiv í løtuni. Hetta er ikki rætt. Sum nevnt omanfyri, er rætta talið 30 fólk.