Alda Nielsdóttir
10. oktober fer borgarstjórin í Tórshavnar kommunu, Annika Olsen saman við umsitingini at hava fund við Joaquin Pujol, formann í FINA Facilities Committee (nevnd í Altjóða svimjisambandinum FINA), á Ráðhúsinum í Havn. Eisini luttaka umboð fyri Svimjisamband Føroya.
Endamálið við fundinum er at staðfesta, hvussu langhylurin verður gjørdur, so verður góðkendur til altjóða kappingar, ið ynski er at fáa til landið.
Í fjør varð avgjørt at útseta projekteringina eitt ár, orsakað ov nógvum virksemi og ov nógvum íløgum, men nú eru samráðingarnar tiknar upp aftur.
Umsitingin er í løtuni í holt við endaligar samráðingar um ráðgevarasáttmála við vinnandi ráðgevaratoymið. Endaliga uppskotið til sáttmála kemur fyri Tórshavnar býráð í november.
Meira um verkætlanina kann lesast her.
Vinarliga broyt tínar kennifíla - og privatlívsstillingar fyri at síggja hetta innihald