Fleiri avlýsingar á flogleiðini í dag vegna tekniskt brek

Fleiri ferðir hjá Atlantic Airways eru í dag avlýstar og útsettir. Orsøkin er, at eitt tekniskt brek varð funnið á eina flogfarinum, sum kom til Keypmannahavnar í gjárkvøldið.

RC430, sum skuldi koma úr Bergen í morgun klokkan 8 varð avlýst, meðan RC414, sum skuldi flúgva til Edinburgh úr Vágum klokkan 12, er útsett til klokkan 13:25. Eisini er koman hjá RC101 úr Keypmannahavn flutt frá klokkan 11 til klokkan 13:05, meðan RC431, sum skuldi koma úr Bergen til Vágarnar klokkan 11:15 og RC453 úr Keypmannahavn klokkan 13:40 eru avlýstir.

Tekniska brekið, varð funnið á RC459 í gjárkvøldið. Tað var ein lutur, sum hevði eitt brek, og hesin luturin er nú útskiftur og flogfarið er á veg aftur til Føroyar.

- Brekið varð funnið á RC459 í gjárkvøldið, tá teir lendu. Tí kundu teir ikki fara á flog aftur í gjárkvøldið. Tíbetur høvdu vit eitt annað flogfar í Keypmannahavn, og tí kundi vit flúgva ferðafólkið til Føroyar við tí í gjárkvøldið, verður sagt úr Atlantic Airways.

Ferðandi, sum skuldi við RC431 úr Bergen til Vágarnar og við RC453 úr Keypmannahavn, eru umbookaði til RC450 úr Keypmannahavn, sum lendir klokkan 14.15.