Alda Nielsdóttir
Í gjár frættust tíðindini um, at Føroyaflokkurin er vorðin góðkendur av Heilsu- og Innlendismálaráðnum, og kann flokkurin nú stilla upp til næsta løgtingsvalið, sum skal vera í seinasta lagi 31. august.
Í Facebook dagføring í vikuni hevur flokkurin eisini kunngjørt sítt næsta valevni.
Umframt Hjalmar Zachariassen, formaður og stovnari av flokkinum, verður Pætur Eysturskarð úr Fuglafirði eisini á listanum hjá Føroyaflokkinum.
Pætur Eysturskarð er 38 ár og útbúgvin civilverkfrøðingur í robottøkni frá DTU. Hann starvast dagliga í Tekniska Skúla í Klaksvík sum økisleiðari fyri tøknibreytina HTX.
Hann býr í Fuglafirði saman við soni sínum.
Umframt at vera sera virkin við nógvum verkætlanum, er Pætur eisini íverkseti. Hann rekur kaffistovuna Turkihúsið, sum heldur til í Fuglafirði yvirav Mentanarhúsinum.
- Tað er eingin ivi um, at Pætur er ein maður við nógvari vitan, royndum og dygdum, sum vit koma at njóta gott av, skrivar flokkurin.
Vinarliga broyt tínar kennifíla - og privatlívsstillingar fyri at síggja hetta innihald