Fóru við Smyrli av misgáum - skuldu við Norrønu

Tað kann vera trupult útlendingum at skyna mun á Smyrli og Smyril Line. Tað mátti ein íslendsk kvinna saman við hennara trimum børnum ásanna í gjárkvøldið

Av misgáum vóru tey í gjár kvøldið komin umborð á Smyril, men skuldu við Norrønu til Íslands. Kringvarpið skrivar á heimasíðuni, at tá kvinnan varnaðist mistakið, var Smyril komin nakað út um molan í Havn.

Skiparin á Smyrli avgjørdi at venda innaftur við íslendsku ferðafólkunum, so tey kundu koma umborð á rætt skip.