Agnar Prestá
Tingfundurin í dag byrjar klokkan 11, og hann byrjar við, at atkvøðast skal um skrivligar fyrispurningar til landstýrisfólk.
Síðani skal § 25 nevnd veljast til at viðgera uppskoti til løgtingslóg um broyting í stýrisskipanini. Eftir tað eru tvær viðgerðir av málum.
Til seinast eru framløgur, og tá hetta er seinasta freist at leggja uppskot fram, ið skulu viðgerast í hesari tingsetuni, er gravgangur eftir at sleppa framat. Kringvarpið sigur, at talan er um eini 50, ið verða løgd fram seinnapartin. Tískil kann gerast talan um ein langan dag í Løgtinginum.
Sí dagsskránna her
Eftir í dag er framvegis møguleiki fyri koma við uppskotum, um minst 17 tingfólk skriva undir uppá tað. Hetta fer Landstýrið, sambært Kringvaprinum, at gera viðvíkjandi nøkrum málum um fiskivinnu.
Tingfundir standa á skránni hvønn vikudag frá mikudegnum 11 mars til og við fríggjadagin 20. mars.
Vinarliga broyt tínar kennifíla - og privatlívsstillingar fyri at síggja hetta innihald