Friðarlig nátt hjá løgregluni

Í nátt vóru nógv fólk savnaði niðri í Vágsbotni til stóra konserttiltakið Voxbotn, og í tí sambandi vóru nógv fleiri fólk í býnum enn vanligt.

Tað var sum á Ólavsøku, sigur vakthavandi á politistøðini. Tó hevur ikki verið nógv at gjørt hjá løgregluni í nátt.

Fleiri full fólk vóru so ólátað, at tey vórðu skuldsett fyri brot á politiviðtøkurnar, og ein teirra varð handtikin, men annars hevur verið friðarligt í býnum. Fyriskipararnir av Voxbotn hava dugað væl at hildið skil á konsertgestunum.