Full fólk góvu løgregluni nógv arbeiði í nátt

Rættiliga nógv fólk vóru í býnum í nátt, og arbeiðið hjá løgregluni var eisini merkt av tí.

Løgreglan hevur fleiri ferðir verið og tikið full fólk upp, bæði í Havn og í Klaksvík, og koyrt tey heim.

Eisini hevur verið húsaófriður í Havn. Tá tað ikki eydnaðist at fáa skil á støðuna, mátti løgreglan taka ein mann við sær til Klaksvíkar.

Eisini varð løgreglan boðsend í Klaksvík, tá tveir menn gjørdust ósamdir, og tað endaði við, at annar varð sligin í andlitið. Hin maðurin er nú skuldsettur fyri harðskap, sigur vakthavandi á politistøðini.