Arbeiðarafeløgini herða verkfallið

Gott 80 verkafólk møttu á Hjalla klokkan 7 í morgun at forða fyri, at tað sum eftir teirra tykki er verkfallsrakt arbeiði, verður gjørt hjá byggifyritøkunum J&K Petersen og Articon.

Løgreglan varð boðsend, og hoyrdi báðar partar. Avgerð var tikin um, at tey sleppa ikki at standa á økinum hjá fyritøkunum.

Ætlanin er at stilla seg fyri, um nakað virksemi fer fram hjá hesum fyritøkum.

- Og vit standa til streykan er av, sigur Georg F. Hansen, formaður í Føroya Arbeiðarafelag.