Góðir hundrað metrar eftir

Nú verður ikki leingi, so er hol ígjøgnum í Sandoyartunlinum. Bara 113 metrar eru eftir at bora av 10.785 metrar langa tunlinum.

47 metrar vórðu boraðir í síðstu viku, og væntað verður at seinasta skotið verður latið av um mánaðarskiftið.

Síðani síðst í november hevur bara verið borað Streymoyarmegin, á Gomlurætt.

Eftir ætlan skal Sandoyartunnilin standa liðugur í 2023.