- Gleðiligt er altíð at síggja tá fólk velja at seta búgv í kommununi, ikki minst, tá nýggj sethús eisini verða bygd.
Hetta skrivar Tvøroyrar kommuna á heimasíðu sínari.
Ætlanin er, at sjey nýggjar íbúðir skjótt skulu standa til reiðar á Heiðatrøðini. Tær vera 80 fermetrar til støddar. Fyrsta flagið til hesa bygging varð loyst síðst í 2020. Tað er Bústaðir, ið letur byggja, og MTV-Byggivirki sum stendur fyri. Íbúðirnar eru ikki ætlaðar til dømis einum ávísum aldursbólki.
Í løtuni verða eisini fleiri sethús bygd í kommununi - í Trongisvági, Tvøroyri og í Froðba. Seinastu árini eru fleiri hús bygd í kommununi, og fólkatalið hevur verið vaksandi.
Les eisini: Framgongd í skattainntøkum og fólkatali á Tvøroyri
Vinarliga broyt tínar kennifíla - og privatlívsstillingar fyri at síggja hetta innihald