Hitabylgja fær kinesiskan stórbý at sløkkja ljósini

Í kinesiska stórbýnum Hangzhou skulu øll uttanduraljós, sum ikki verður mett at vera alneyðug, sløkkjast.

Orsøkin til tað er ein hitabylgja, sum hevur rakt landið og sum hevur lagt stórt trýst á elnetið í millum annað Hangzhou orsakað av stórum eftirpsurningi eftir streymi til m.a. luftskiftisskipanir - aircondition.

Juli 2024 varð tann heitasti mánaðurin, sum nakrantíð er skrásettur í Kina, og eisini í august hevur býurin verið raktur av ógvusligum hita, sum er farin uppum 40 stig.

Sambært veðurfrøðingum kann væntast, at hitabylgjan heldur fram til 11. august.

Hangzhou er høvuðsstaður í kinesiska landslutinum Zheijang, og býurin hevur umleið 12,5 milliónir íbúgvar.

Les eisini: Juli heitasti mánaður í Kina