HM-fagnaður mentist til gøtubardagar í gjár

Frakland vann HM-finaluna í gjár 4-2 móti Kroatia, og tað er fyrstu ferð í 20 ár - men tað var ikki bara gleði og gleimur í gøtunum í París í gjár. 

10 túsindatals franskir fjepparar vóru savnaðir á kendu gøtuni Champs Elysees í París fyri at fagna sigurin, tá ið ófriður byrjaði. 

Sum sjónbandið vísir, vóru fleiri samanbrestir við løgregluna. Menn í berum yvirkroppum við turrikløðum fyri andlitið kastaðu glasfløskur móti kampkløddum løgreglumonnum, skutu við fýrverki og knústu vindeygu. 

Løgreglan svaraði aftur við táragassi og vatnkanónum í royndini at steðga ófriðarkroppunum, skrivar DR.