Hótti fólk í handli

Klokkan 16:30 í gjár fell løgreglan fráboðan um, at ein fullur maður hótti fólk inni í einum handli í Havn. Fólkini í handlinum søgdu, at maðurin hevði ein hóttandi atburð, og at bæði starvsfólk og viðskiftafólk føldu seg ótrygg.

- Maðurin varð tikin á støðina at dampa av. Eftir eina løtu varð hann leyslatin og varð skuldsettur fyri brot á politiviðtøkurnar, sigur vaktleiðarin á løgreglustøðini.

Maðurin fekk tískil eina bót fyri hendingina.