Sverri Egholm
Uppskotið frá uttanflokkatingkvinnuni, Sonju Jógvansdóttir, um løgfrøðiligt kynsskifti kemur til 1. viðgerð í løgtinginum í morgin.
Uppskotið varð lagt fram í august, og stóð á skránni fyri tingfundin 20. september, men orsaka av forfalli, var málið tikið av skrá. Nú kemur tað so til viðgerðar.
- Hetta uppskot heimilar at fólk, hvørs lívfrøðiliga kyn er í andsøgn við kynssamleika teirra, umvegis eina umsókn kunnu skifta kyn løgfrøðiliga, stendur millum annað í uppskotinum.
- At skifta kyn løgfrøðiliga merkir, at tú søkir um at fáa eitt p-tal, sum samsvarar við tín kynsliga samleika, og hetta gevur tvørkyndum møguleika at velja sær navn samsvarandi samleika sínum, fáa nýtt samleikaprógv, koyrikort og pass, stendur í uppskotinum sum sæst her.
Tingfundurin í morgin byrjar klokkan 11.
Vinarliga broyt tínar kennifíla - og privatlívsstillingar fyri at síggja hetta innihald