Ingi Olsen settur sum tekniskur leiðar í Vágs Kommunu

Vágs kommuna skrivar á heimasíðu sínari, at fyri stuttum varð søkt eftir tekniskum leiðara. Hetta kemst av, at verandi leiðari er farin í farloyvi. 

Tekniski leiðarin ið nú er settur í starvið, er Ingi Olsen. Hann er útbúgvin byggifrøðingur og hevur seinastu umleið 6 árini arbeitt sum byggifrøðingur í privata vinnulívinum, har hann millum annað hevur drúgvar royndir frá ymiskum byggiverkætlanum.

Ingi byrjaði í starvinum hjá Vágs kommunu í gjár.