Iran skotið rakettir inn í Sýria

Iranska kollveltingarherdeildin boðaði í morgun frá, at hon hevur skotið rakettir eftir málum í Sýria.

Tíðindastovan Reuters skrivar, at álopið er ein hevndaratsókn fyri yvrigangsálopið, sum ein yvir yvirgangsfelagsskapur framdi í Ahvaz leygardagin 22. september. Rakettálopið er framt móti høvuðsstøðini hjá yvirgangsfelagsskapinum, sum liggur eystanfyri ánna Eufrat.

Yvirgangsfelagsskapurin leyp á eina hernaðarskúðgongu í Ahvaz fyri tveimum vikum síðani. Skúrðgongan var til minnis um byrjanina av krígnum millum Iran og Irak í 1980. Í minsta lagið 25 fólk lótu lív og 70 vórðu særd tann dagin.

Bæði Islamsikur Statur og ein lokalur loysingarbólkur, Ahwa National Resistance (ANR), søgdu seg hava framt álopið.