J.D. Vance á veg til Grønlands

Amerikanski varaforsetin J.D. Vance og kona hansara, Usha Vance, eru farin umborð á flogfarið og eru á veg til Grønlands.

Flogfarið fór á flog úr Join Base Andews í Maryland í USA umleið klokkan 10 føroyska tíð.

Varaforsetin fer næstu dagarnar at vitja amerikonsku hernaðarstøðina Pituffik Space Base norðaliga í Grønlandi, umleið 1500 kilometrar frá høvuðsstaðnum.

Undir kalda krígnum varð støðin rópt Thule Air Base.