Jenis av Rana vil í landsstýrið

- Eg havi tikið avgerð um, at um eg fái møguleikan so verður tað.

Tað segði Jenis av Rana, formaður í Miðflokkinum, við R7 fyrr í hesari vikuni. Tað er sjálvandi treytað av, at Føroya fólk vil tað, men formaðurin væntar at Miðflokkurin sleppur í samgongu aftur eftir næsta val.

Eisini vónar hann, at størri møguleikar vera at samanseta eitt nýtt landsstýri.

- Eg vóni at ein flokkur sum Javnaðarflokkurin kann leysríva seg frá tí samgongu hann er í í dag, so vit fáa størri møguleikar aftaná eitt val at samanseta eitt nýtt landsstýri.

Øll málsøki hava áhuga fyri Miðflokkin at umsita, segði Jenis av Rana við R7.