Jógvan í Skorini tekur yvir aftur á Eiði

Tað er nú greitt, at Jógvan í Skorini tekur við aftur sum borgarstjóri í Eiðis kommunu á nýggjárinum.

Maðurin, ið sat sum borgarstjóri í tvey valskeið frá 2013 til 2020 valdi ikki at stilla upp aftur fyri fýra árum síðani.

Men hesaferð stillaði hann uppaftur, og fekk 96 atkvøður á valinum í gjár og var fyrstvaldur á lista A, sum fekk 4 av sjey býráðslimum.

Í dag eru valdu limirnir á listanum vorðnir samdir um at velja mannin, ið fekk flestar atkvøður til borgarstjóra, skrivar kringvarpið.

Sitandi borgarstjóri á Eiði, Annsy Høghamar, ið hevur sitið í sessinum síðan Rógvi Egilstoft legði frá sær, varð ikki afturvald á valinum í gjár.

Hesi sita í nýggja bygdaráðnum á Eiði

Listi A 283 atkvøður:
Jógvan í Skorini 96
Sigurður Eiriksson 51
Tove Kruse Samuelsen 29
Olaf Fríðheim 29

Listi B 238 atkvøður:
Tonny Snogebæk Kruse 46
Fróði Reinert Petersen 34
Kristian Martin Juul 33