Judo-íðkarar planta trø leygardagin

28. august er atljóða judodagur. Hendan dagin í 1860 var japanarin, Jigiro Kano, føddur. Fyrst í 1880-unum skapti hann judo ítróttin burtur úr fleiri ymiskum stríðskynstrum.

Altjóða Judosambandið setti í ár eitt tema fyri altjóða judodagin: Planta eitt træ.

Sunda Judofelag tók undir við hesum, og nú leygardagin 9. november fara limir úr Sunda Judofelag saman við nógvum øðrum í Náttúrulundina við Streymin at planta trø.

Øll eru vælkomin til hetta tiltakið, sum er alment, har tilsamans 1.000 trø skulu plantast. Náttúrulundin við Streymin vónar fjølmenta luttøku