Kaj Leo: Vit skulu lata leiðslurnar fáa frið at arbeiða

Síðan Sjúkrahúsverk Føroya skrivaði út navnakapping í sambandi við æltaðu navnabroytingini av sjúkrahúsunum í Føroyum, hevur kjak verið um málið, og fleiri hava víst sína ónøgd. Les meira um ætlanina her.

Les eisini: Samgongulimur: Klaksvíkar sjúkrahús skal ikki broyta navn

Landsstýrismaðurin í Heilsumálum, Kaj Leo Holm Johannesen, heldur, at leiðslurnar í Sjúkrahúsverkinum skulu fáa frið at arbeiða við málinum.

– Eg haldi tað er øgiliga umráðandi, at vit lata leiðslurnar í Sjúkrahúsverkinum, sum umboða tey trý sjúkrahúsini, fáa frið til at arbeiða við nøkrum tingum, so vit kunnu siga ja ella nei til eitt úrslit, sigur hann í samrøðu við Útvarpið.

– Arbeitt verður við einum felags samleika, og bara tað við navninum er ein partur av einum nógv størri arbeiði, sigur hann.

Hoyr innslagið her.

Les eisini: – Ætlanin um navnabroyting eigur at verða tikin aftur