Kanna mál um dronur í Hvannasundi

Tá grind var í Hvannasundi í gjárkvøldið, vóru eisini tvær dronur, sum flugu uppiyvir, meðan drápið var.

Norðlýsið skrivar, at fólk hildu dronurnar hava tilknýti til umhvørvisfelagsskapin Sea Shepherd, og onkur skeyt eftir tí einu dronuni við byrsu.

Málið er nú endað hjá løgregluni, visti Útvarpið at siga í morgun.

Viðkomandi, sum fleyg dronuna er sjálvur komin til løgregluna við henni, og málið verður nú kannað. M.a. verður kannað, um loyvi at flúgva við dronuni var í lagi.

Les eisini: 123 hvalir løgdu beinini í Hvannasundi í gjár

Grindin í Hvannasundi var seinna grindin hetta vikuskiftið. Seint leygarkvøldið varð ein onnur grind funnin í Vestmannasundi. Tann grindin varð hildin til í Leynum, og tá varð eisini ein drona sædd uppiyvir grindini. Tá varð tó ikki skotið eftir henni.

Sí eisini: Myndir: Grind í Leynum

Dagførd kl. 12.32